Guraso bakarreko familiak hari harian

  • Nafarroan egoera ahulean dauden guraso bakarreko familiak osatzen dituzten emakumeen erdiek baino gehiagok genero-indarkeria jasan dute, Pobreziaren eta Gizarte Bazterketaren aurkako Nafarroako Sareak aurkeztu duen bezala.
  • Ama Ezkongabeen Elkarteen Federaziotik ez datoz bat arlo horretan egindako politikekin, ez baitira behar bezain esplizituak.

Pobreziaren eta Gizarte Bazterketaren aurkako Nafarroako Sareak gaur arratsaldean aurkeztu du Nafarroan gizarte-bazterketako egoeran dauden guraso bakarreko familien egoerari buruzko txostena, pertsona horien egoerari buruzko hitzaldian.

Sarekoek beharrezkotzat jo dute jardunaldi hori egitea, familia horiek bizi dituzten gorabeherak ikusarazteko; izan ere, EINen azken bizi-kalitateari buruzko inkestaren datuen arabera, familien %54,3 pobrezia-arriskuan eta gizarte-bazterketa arriskuan daude.

Iturramako Civivoxen egin den jardunaldian Carmen Flores izan da, Ama Ezkongabeen Elkarteen Federazioko lehendakaria. FAMSek salatu du ez direla behar adina neurri hartu pairatzen dituzten desberdintasunak arintzeko, “huts egite ikaragarria ematen diegu, neurri argirik hartu ez dutelako”. Eta ohartarazten dute “EINen datuek iazko egoeraz hitz egiten dutela, eta, beraz, orain dugun inflazioaren eta gerraren krisi-egoera ez dagoela jasota”.

Gainera, María Pizarro “Elkarrekin eta Matxinadak” elkarteko kideak, Farmatta Watt Munduko Medikuetatik eta Oumoul Khairati Flor de África elkartekoak parte hartu dute hitzaldian, eta emakume migratzaileen ikuspegitik familia horien zailtasunak azaldu dituzte.

Gizartean bazterturik dauden guraso bakarreko familien profila

Pobreziaren eta Gizarte Bazterkeriaren aurkako Nafarroako Sareko Genero Lan Taldeak urtebete baino gehiago daramate guraso bakarra duten eta gutxienez adingabe bat edo gehiago beren ardurapean dituzten familien egoera aztertzen. Zehazki, Sarea osatzen duten 33 entitateei laguntzen dieten familiei, horiek baitira Nafarroan desberdintasun handienak dituztenak.

Azken urtean, 37 inkesta egin dituzte, eta horien arabera, profila batez ere emakumezkoa da; izan ere, %91,9 emakumeak dira. Gainera oso kezkagarria da pertsona horien erdiek baino gehiagok adierazi dutela genero-indarkeria jasan izana (%59,5).

Familia horietako gehienak dibortzio-egoera zibilean daude (% 37,8) edo ezkongabeak dira (% 48,6). Kasu gehienetan, pertsona horiek adingabe bakarra izaten dute tutoretzapean (% 45,9).

Egoera ekonomikoari dagokionez, ehunekorik handiena familia hauek osatzen dute: hilean 500-1000 euro bitarteko diru sarrerak dituztenak (%54,1). Are gehiago, hamarretik ia bik ez dute 500 euro baino gehiagoko diru sarrerak(%18,9).

Lan-egoerari dagokionez, gurasoen %59,4 langabezian daude, eta horietatik gehienak iraupen luzeko langabezian daude (%77,2), beste arrazoi batzuen artean, bateragarritasuna oso zaila delako.

aldetutako familien %89,2k adierazi du ez duela inolako prestazio edo zerbitzurik jasotzen guraso bakarreko familiak izateagatik. Pobreziaren eta Gizarte Bazterketaren aurkako Nafarroako Sareak adierazi du datu hori nahiko deigarria dela, izan ere, pertsona gehienek (% 64,9) badakite Nafarroako Gobernuak guraso bakarreko familien ziurtagiri ofiziala eskaintzen duela, eta % 48,6k badauka. Baina bai bestelako prestazio ekonomikoren bat jasotzen dute, %70,3, nahiz eta gehienek (%77,8k) arazo ekonomikoak dituztela dioten.

Erdiek baino gehiagok baieztatu dute etxebizitza arazoak dituztela edo izan dituztela (%59,5). Testigantza askok diotenez, etxebizitzaren prezioagatik, baldintza txarrengatik, erroldatzeko eskubiderik ez izateagatik…

Egoera juridiko administratibo irregularrean eta, beraz, ia inolako laguntzarik gabe daudela frogatu duten amen zaurgarritasun egoera berezia aipatzea oso garrantzitsua da.

Horregatik, guraso bakarreko familia horien egoerara egokitzeko neurriak eskatzen ditu Sareak, batez ere etxebizitzari dagokionez. Baita bateragarritasuna lortzeko neurri handiagoak  eta guraso bakarreko familien ziurtagiria eskuragarriagoa eta praktikoagoa izatea eskatzen dute, Administrazioak azken urteetan egindako ahaleginak positiboki baloretzen beti ere.

Compártelo en tus redes
Share on Facebook
Facebook
Tweet about this on Twitter
Twitter
Share on LinkedIn
Linkedin